Este ano cumprimos tres décadas! Para facer memoria do que foi Chévere ao longo destes anos, cedemos a palabra a quen mellor pode facelo: o público. Persoas de varias xeracións falan da súa relación con Chévere, lembran como coñeceron ao grupo, que sentiron ao ver algunhas das obras, que relación teñen coas súas vidas...
Viducha e Asun son nai e filla e as dúas son espectadoras de Chévere desde hai anos. Cóntannos cando Viducha se converteu na faciana que anunciaba os obradoiros do espectador que Chévere organizaba nos centros socioculturais de Compostela, para depois ir ver obras á Nasa.