Berberecheira: laboratorio de creación escénica de Chévere é un novo libro publicado por Chévere que recolle os textos de Goldi Libre, Salvador e Anatomía dunha serea, os tres espectáculos sementados na Berberecheira, xunto a imaxes dos procesos de traballo e das obras e uns textos de César Goldi, Borja Fernández e Iria Pinheiro que reflexionan sobre a experiencia de levar a vida propia ao escenario.

O libro, que terá unha distribución limitada, pódese mercar nas seguintes librarías: Couceiro, Lila de Lilith e Númax, en Santiago; Berbiriana, en Coruña; Cartabón, en Vigo e Trama en Lugo. Se o prefires, tamén podes escribirnos a info@grupochevere.eu e mandámoscho á túa casa.