Acción teatral de Chévere para aeroportos.
Unha vez máis Chévere desubica o teatro dos espazos convencionais. Unha charanga ao estilo de "Bienvenido Mr. Marshall" coa máis alta representación das forzas vivas (alcalde, folclórica, policía municipal, medios locais e repartidor da sorte) recibe no aeroporto ao visitante 999.999 da Mancomunidade de Municipios de Arousa Norte. Xs usuarixs e traballadorxs habituais do aeroporto gozan do espectáculo mentres agardan a chegada dos voos, e entre xs viaxeirxs que chegan só unha persoa será a afortunada que reciba un regalo.
