A véspera de Samaín, día 31 de outubro ás 21,00h., recibiremos en Teo á Companhía de Teatro de Braga, unha das máis veteranas de Portugal, que ofrecerá no Auditorio Constante Liste da Ramallosa unha función en versión orixinal en portugués do seu espectáculo Aínda o último judeu e os outros, escrito e dirixido por Abel Neves. A función enmárcase dentro do programa Escena Ibérica, unha iniciativa na que participa Chévere xunto con 10 compañías e institucións de España e Portugal, coa que se busca estreitar lazos co país veciño a través do intercambio escénico e cultural.