A pasada fin de semana (20 e 21 de decembro) Chévere estivo en Cacheiras colaborando con algúns comerciantes da zona nun proxecto moi especial: Cacheiras Nadal Comedy. Froito dun intenso traballo tanto por parte de Chévere como dos comerciantes implicados, Cacheiras Nadal Comedy achegou o teatro a varios dos establecementos da zona e converteu a travesía de Cacheiras en lugar de reunión de veciños e escenario improvisado.

Hoxe, nestas datas tan acaídas, deixámosvos o vídeo que se proxectou na panadería San José, e no que algúns poderedes distinguir caras coñecidas de Chévere e da propia panadería.