Este ano cúmprense dúas décadas dende a celebración da primeira ultranoite; vinte anos ininterrompidos durante os que Chévere subiu aos escenarios para escribir a crónica de Galicia a través deste cabaré irreverente e perralleiro. Hoxe, en abril de 2014, Chévere quérelle render homenaxe a este xénero que xa asume como propio e ao que tanto lle debe a través da Ultranoite no País dos Ananos, un cabaré nihilista que bebe da obra de Celso Emilio e da de Jonathan Swift para facer un percorrido satírico por este paseo marítimo que chamamos Galicia. Para saber máis, entra...
Manuel Cebrián nace en Vigo en 1982. Violinista de formación clásica, e guitarrista de formación moderna, ten participado en todo tipo de proxectos, gravando unha ducia de traballos discográficos e colaborado en directo con músicos galegos e internacionais. Traballa habitualmente no eido do jazz ó clásico, do rock ó folk pasando pola música de vangarda, ademais de traballar como arranxista e compositor. Traballa con Chévere dende hai xa máis de 8 anos.