O Obradoiro do espectador é unha proposta do Grupo CHÉVERE para mellorar a comprensión e o goce das obras de teatro, unha oportunidade para a formación e o intercambio cultural arredor das artes escénicas.

Unha proposta dirixida tanto a espectadores experimentados como a persoas que se queiran iniciar no goce do teatro, e que pode interesar a estudiantes, a profesionais, afeccionados e veciños.

Durante o obradoiro falarase da Ultranoite, o formato máis representativo de Chévere, de como naceu e como se veu transformando ao longo dos seus vinte anos de historia. Observarase tamén o tratamento na Ultranoite dos diversos acontecementos que se foron sucedendo ao longo destas dúas décadas.

O obradoiro do espectador é de balde, a súa función é incentivar a asistencia ao teatro. As persoas que acudan ao obradoiro beneficiaranse dun 50% de desconto no prezo da entrada.