Rede Nasa

Combine your search criteria to find the material you are looking for


See here Rede Nasa's agenda

logoautoestradacartel
  • Previous
  • Next
Photos

A Viaxe dos Chévere

Viaxe a unha nación remota do mundo, en catro partes, a través da Ultranoite, ao principio un cabaré da Nasa e despois de moitos outros escenarios e lugares.


A Viaxe dos Chévere é un achegamento filmado ao traballo e á vida duns cómicos trillados polo asfalto. A través dunha mirada moi persoal e poética, Alfonso Zarauza narra o desterro dunha compañía de teatro expulsada da súa cidade por un político corrupto e a súa loita de resistencia desde o territorio aínda ceibe do escenario. Unha película que fala da irracionalidade do poder e da cordura da arte, da volatilidade da acción política e da perdurabilidade do traballo creativo. Un filme que acredita na veracidade da ficción, nas illas flotantes, nos cabalos filósofos e nos cabarés nihilistas.

Durante varios meses, o cineasta e un reducido equipo acompañaron ao grupo Chévere no seu traballo diario, mentres elaboraban a Ultranoite no País dos Ananos, un musical estreado no concello de Teo que agora está xirando por Galicia. O resultado é unha película que trata de ser un documental sen deixar de ser un relato amargo pero esperanzador do tempo presente. Un proxecto no que o teatro e o cine van da man.

Ao rematar a proxección da peli haberá un coloquio co público asistente no que participarán o director, Alfonso Zarauza, e xente de Chévere como Patricia de Lorenzo e Xesús Ron.

CRÉDITOS

Duración: 55 minutos. Guión e dirección: Alfonso Zarauza. Produción executiva: Xron. Dirección de fotografía: Alberto Díaz Bertitxi. Directora de arte e son directo: Jaione Camborda. Música orixinal: Roberto C. Goday. Edición e montaxe: Victor Hugo Seoane. Edición e postprodución de son: Roberto C. Goday. Música orixinal do espectáculo: Xacobe Martínez Antelo. Xefa de produción: Patricia de Lorenzo. Etalonaxe, postprodución de imaxe e conformado: Fernando Alfonsín. Secretaria de produción e documentalista: Xana García. Tratamento de guión e axudante de dirección: Xesús Ron. Axudantes de cámara: Diego López, Diego de Coo. Deseño de títulos de crédito: Pablo Dávila, Roberto C. Goday. Meritorio de produción: Bruno Álvarez. Venda de negativo: Alejandro Paino. Negativo: Kodak 7222. Materiais de iluminación: Filamento Iluminación. Materiais de cámara: EPC. Coa participación especial de Miguel de Lira, Patricia de Lorenzo, Manuel Cortés, Xron.
Cómicos, vedetes, músicos e outras especies da Ultranoite retratados (por orde de aparición): Mónica García, Arantza Villar, César Goldi, Xacobe Martínez Antelo, Manuel Cebrián, Max Gómez, Victor Mosqueira, Evaristo Calvo, Carlos Blanco, Carlos Alonso, Fidel Vázquez, Xurxo Pinheiro, Blanca Cendán, Suso Alonso, Piti Sanz, Fran Pérez, Touriñán, Federico Pérez, Ramón Bermejo, Viki Pérez, Marcos Pereiro, Iria Pinheiro, Carlos Meixide, Tomás Lijó, Expo, Natalia Outeiro Pajarito, Antón Coucheiro Cou, Manuel Lago, Cristina Balboa, Nekane Fernández, Marta Pazos, Borja Fernández, Beatriz Campos, Clara Gayo, Pepe Penabade, Antonio Martínez, Ángeles Lago, Marcos Ptt Carballido, Lois Blanco, Fanybell, Marga Alborés, Diego Anido.
Outra xente Chévere e habitantes da Ultranoite que saen nesta peli: John Eastham, Vicente Moedano, Cris Garabana, Xabier Olite, Pepe Sendón, Marcel.lí Antúnez, Cuco Suárez, Roberto Vidal Bolaño, Quico Cadaval, Os Tristáns, Kozmic Muffin, Carlos Santiago, Cláudia Campos, Luís Tosar, Berta, Mara Sánchez, Gabi, Rafa Xaneiro, Matteo Bertolino.
O arquivo audiovisual da Nasa non tería sido posible sen a dedicación e o bo facer de Rafa Xaneiro.O noso recoñecemento aos milleiros de persoas que ao longo de vinte anos fixeron posible a existencia dun espectáculo de teatro tan visceral como a Ultranoite e dun espazo tan radicalmente vivo como a Nasa. O noso agradecemento por deixarnos rodar nos seus espazos ao Concello de Teo, Asociación Cultural A Mámoa de Luou, empresa de autobuses Sánchez, Cidade da Cultura.