Chévere cumpriu todo un reto en 2013 con Eurozone. Unha ambiciosa produción con 8 intérpretes en escena, que chegou ás 50 representacións, con case 7.000 espectadores e que fixo tempada en Madrid durante un mes no Teatro Valle Inclán do CDN. Aquí publicamos unha serie de vídeos do traballo en proceso da obra que Chévere estreou en febreiro de 2013. Eurozone trata sobre a crise, sobre Europa, sobre nós. Buscando unha explicación ao que está sucedendo decidimos establecer un paralelismo entre Reservoir Dogs, a peli de Tarantino, e a crise de soberanía en Europa. Probar a cambiar matóns por políticos e a ver que pasa.
Primeira reunión entre dirección, arquitecto e construtor. A semana pasada Javier Domingo Ballestín, o arquitecto gañador do concurso para o espazo escénico de Eurozone convocado por Chévere e o COAG desprazouse desde Zaragoza para manter un encontro de traballo con Chévere e Enrique Martínez, que será o encargado da construción da escaleira mecánica.
Seguiremos poñendo imaxes de como os planos se van convertindo en realidade.
Fai login ou rexístrate para poder comentar
