Os Diplomáticos de Monte Alto tocaron un lote de veces na Nasa ao longo dos anos 90. Aquí vos deixamos un fragmento dun concerto do ano 1996, en plena voráxine bravú, presentando as cancións do seu terceiro disco: "Avante Toda". Daquela soaban ben fresquiñas estas versións ao vivo de Talleres Carnotxo e O incleible Bestilleiro (o panadeiro hevi).
Rock galego na Nasa
Polo escenario da Nasa non pasou todo o mundo, pero si boa parte dos que fuxían del. Facendo historia a través do seu arquivo podemos atopar moitos dos grupos máis influíntes do rock galego dos noventa: o hardcore, o metal, os concertos de Rock Parrulo, o Bravú, os ciclos de Redenasa.son. Recompilamos unha serie de gravacións para recordar tempos pasados, imaxinar tempos futuros e recordar a Sala Nasa e o seu labor como pantalán da cultura galega máis viva.
Os Diplomáticos de Monte Alto na Nasa presentando Avante Toda
Fai login ou rexístrate para poder comentar