Hai 10 anos o cómico John Balan actuaba nunha antoloxía da Ultranoite que se fixo para celebrar os primeiros 10 anos de actividade da Sala Nasa. El xa pisara este escenario noutras ocasións e para o universo da Ultranoite era un dos referentes máis inmediatos e próximos, por iso tiña que estar alí. Na súa actuación fixo un repaso do que era o seu imaxinario en escena: esa peculiar presentación, algunhas cancións, boleros, pasodobres, co único acompañamento da súa voz adpatándose a calquera son, e, por suposto, unha das súas películas máis características. Ao longo desta semana iremos publicando integramente o que foi esta actuación, a última que fixo na sala Nasa.