A Nasa propón unha noite pereirística, un tributo poético e rockeiro a Lois Pereiro, que tamén foi veciño ocasional de Compostela. Convidamos a todas as persoas amantes das voces radicais como a de Pereiro a que veñan compartir con nós músicas, cancións, paisaxes ou nomes cercanos á súa poesía e á súa vida.

Para esta ocasión, formouse unha banda que tocará un repertorio con músicas que lle gustaban a Lois: Lou Reed, Parálisis Permanente, Radio Océano, The Doors… Son as Ondas Martenot, furor colectivo manufacturado por Antón Papaqueixos (baixo), Amil (batería), Cristina Sonoro Maxín (teclado) e o Leo e Arremecághona (guitarra e voz).

Xunto a eles actuarán Manu Clavijo e Das Kapital, o novo proxecto de Leo, Marcos Payno e Dani Salgado. Oficiará como mestre de cerimonias Manuel Cortés.