Rede Nasa
Goldi Libre
Goldi Libre
Autorretrato dun insubmiso preso nos cárceres de Felipe González. Un proxecto de teatro documento feito a partir da memoria, a experiencia e o testemuño de César Goldi, veciño de Teo e actor que en 1993 foi condenado a 2 anos, 4 meses e 1 día de prisión por negarse a realizar tanto o servizo militar como a prestación social substitutoria, cumprindo a condena no cárcere da Coruña. É o primeiro proxecto que xorde da Berberecheira, un criadeiro teatral custodiado por Chévere co obxectivo de ampliar a documentación escénica de feitos e historias que conformaron e seguen dando forma ao mundo no que nos tocou vivir.
Resultados da busca
Buscaches por TeatroDocumento
Atopamos 1 posts e 0 páxina de artista.
Un obradoiro de creación con Chévere
Durante os días 21 e 22 de decembro de 2015, Chévere oreceu un obradoiro de prácticas de creación escénica dirixido a actrices e actores novos. A intención era abrir un espazo de interacción, transmisión de coñecementos e diálogo interxeracional, pero tamén seleccionar un actor ou actriz de menos de 26 anos para a nova produción de Chévere. A convocatoria realizouse fundamentalmente por medio das redes sociais, pero puxémonos tamén en contacto con escolas de teatro, grupos de teatro afeccionado e medios de comunicación.
