Coincidindo co 30 aniversario de Chévere, que celebramos en 2017, a editorial Kalandraka decidiu publicar as obras completas de Chévere, que serven para inaugurar a súa nova colección dedicada ás artes escénicas, chamada Biblioteca de Teatro. Como parte desta colección, vén de publicarse recentemente o texto íntegro de Eroski Paraíso.

Este novo volume únese así a outros textos xa publicados, como Annus Horríbilis e Río Bravo. A colección irase completando durante os vindeiros meses con outros textos da compañía.

Os libros xa publicados están xa á venda en todas as librerías de Galicia a un prezo de 12 euros. Ou, se o prefires, podes encargalo directamente á editorial.