O pasado 9 de novembro, MADferia presentou en Mercartes (o mercado das artes escénicas de Valladolid) a programación da súa edición 2017, que se celebrará entre o 17 e o 20 de xaneiro en Matadero Madrid. Entre as compañías participantes, o director de MADferia Javier Pérez Acebrón, salientou a presencia de Chévere (Premio Nacional de Teatro 2014), que estreará en Madrid o Eroski Paraíso dentro do marco da feira, o mércores 18 de xaneiro na Sala Max Aub-Naves do Español.

Unha magnífica oportunidade para que Chévere dea a coñecer o seu novo traballo ao tecido profesional das artes escénicas madrileñas e doutros puntos de España que se acheguen a esta feira. Xunto a Chévere, tamén participará en MADferia Baobab Teatro co seu Luppo, o que certifica o gran momento da escena galega, cada vez con maior presenza nas redes doutras comunidades autónomas.