Xa temos confirmada case totalmente a xira de Eroski Paraíso durante os vindeiros meses. Serán unha chea de funcións por toda Galicia, e teremos oportunidade de actuar nalgúns sitios por onde había moito tempo que non pasábamos. Para que vaiades gardando as datas, ímosvos contando.

A vindeira función será no concello de Cariño, dentro da Mostra de Teatro Galego, que este agosto celebra a súa edición número 38. Se andas por aí, poderás vernos o día 19 ás 22.00 h. no Teatro Municipal. Posteriormente, no mes de setembro, faremos parada en Narón, o día 17, e en Boiro o día 30. (segue lendo picando no título)

Ao longo do outono e o inverno seguiremos actuando por distintas vilas e cidades galegas, por esta orde: Tui, Vimianzo, Oleiros, Serra de Outes, Cambados, Ames, Viveiro, Arteixo, Vilagarcía, O Barco, Santiago de Compostela, Pontevedra, Carballiño, Ourense... e así ata completar máis de 20 funcións, que se veñen sumar ás 21 que levamos xa ás costas dende que estreamos o proxecto no mes de marzo, a maior parte delas co aforo completo. Se xa estás pensando en vir, podes consultar as datas e horas na nosa axenda, que seguiremos actualizando durante os vindeiros meses.