Hai noticias inevitables, que non queres que cheguen e evitas nos teus pensamentos, como se non pensar nelas fose razón abonda para se demorar sen data ou para se perder por calquera camiño de volta. Pero sempre chegan, porque a realidade é sempre máis dura e implacable ca o teatro. Morreu Pico. Morreu un actor dos grandes, un compañeiros dos bós, unha persoa das que pagan a pena e o escenario e a pantalla tardarán en encher o baleiro que deixa. Pero a súa presencia, a súa voz e a súa mirada permancen no corazón e no imaxinario de moita xente que ama o teatro e o cine.
No arquivo de Redenasa.tv atopamos unha das súas aparicións no escenario da Nasa, acompañado por Carlos Blanco e Xurxo Souto e con Xavier Huana ao piano, facendo esta peculiar versión dunha canción de Manolo Mirás na Ultranoite Ultragalega celebrada en xaneiro de 1995. Gustaríanos compartila hoxe con vós para lembrar así a Pico, sobre un escenario, cantando.
