A ultranoite volve en setembro! Non hai outro xeito de dicilo nin para Mariano. Logo dun ano, ofrecemos unha nova edición deste cabaré que nos vén acompañando dende os nosos comezos. Desta vez haberá seis funcións repartidas en tres fins de semana: 14, 15, 21, 22, 28 e 29 de setembro. As entradas están xa á venda en Redenasa.tv e nos puntos de venda habituais: A Santa Sede (Ramallosa), A Senra (Pontevea), A Capilla (Calo), Panadaría San José (Cacheiras) e bar El Muelle (Compostela). Se queres usar o servizo de buses da Ultranoite para ir e vir de Compostela a Teo, podes mercar aquí as túas entradas con bus.