Obradoiro sobre Hámster, de Santiago Cortegoso. Material usado na sesión de adestramento realizada no CSC Ensanche o 7 de marzo de 2011.

Hámster é un proxecto que nace nos III Encontros en Magalia (2008) organizados pola Red de Teatros Alternativos para poñer en contacto a creadores de distintas procedencias xeográficas e artísticas. O texto de Santiago Cortegoso foi unha das once propostas seleccionadas, sendo unha das que tiveron unha mellor acollida por parte dos participantes naquel Encontro. Este vídeo recolle un fragmento da presentación que se fixo no Castelo de Magalia, con Laia Oliveras e Juanjo Otero como intérpretes e Fernando Soto dirixindo.