Rematouse a gravación das músicas da Ultranoite no País dos Ananos, feita no estudio de Xacobe martínez Antelo. O disco con todas as cancións do espectáculo formará parte do libro "Máis alá da Ultranoite (crónica canalla do cambio de milenio (1993/2013)", que se publicará nas próximas semanas e que será presentado no Culturgal os días 5, 6 e 7 de decembro.
Como avance do que será o disco e o libro, deixamos aquí a canción "Digo Luar e basta", cantada por Patricia de Lorenzo acompañada por Max Gómez (percusións, teclado), Manuel Cebrián (guitarra) e Xacobe Martínez Antelo (contrabaixo).
Agardamos que vos guste. En decembro estará disponible en todas as librerías de Galicia!
