Podo experimentar un cambio de identidade sexual? É algo permanente ou se pode xogar con iso? Formando parte do proxecto Testosterona, unha obra de teatro que cuestionaba a rixidez da nosa identidade sexual que foi estreada na Nasa en 2009, Chévere artellou este obradoiro no que un grupo de mulleres, coa axuda e complicidade das actrices Patricia de Lorenzo e Natalia Outeiro e da maquilladora Fany Bell, xogaban a mudar de identidade sexual por un día transformándose en homes. O traballo encadrouse dentro da liña de teatro con perspectiva de xénero da compañía. Os resultados podédelos ver no vídeo.