Os días 10 e 11 de agosto celebrouse na aldea de Froxán a 2ª Festa Revolta, un encontro coa xente do Courel que segue a defender o seu futuro apostando polo medio natural. Publicamos unha serie de fotos que retratan dalgun xeito o que alí aconteceu: cantos de alborada con Mónica de Nut; a exposición de fotografías de Gabriel Tizón penduradas das árbores; o roteiro guiado por Orlando con intervencións de Traspediante, Estevo Creus, Elías Araújo, Sechu Sende, Vicente Reboleiro, Carlos Santiago; a sesión vermú cos Da Ría; os contos de Pablísimo; o teatro de obxectos do Retrete de Dorian Gray; a radio en directo de Alén da Onda; e a Ultranoite con Chévere, a Ultrabanda, Mónica García, Expo... Tamé incluímos fotos de Natasha Lelenco que conforman unha galería de retratos de xente que colaborou e participou da festa, entre elas algunhas veciñas e veciños de Froxán.
2ª Festa Revolta no Courel
Aquí atoparás todo xunto o material que temos disponible da 2ª Festa Revolta que se levou a cabo na aldea de Froxán, no Courel, os días 10 e 11 de agosto de 2012. Fotografías, vídeos, textos..., que documentan o que aconteceu.
A Festa Revolta é unha xornada de loita festiva en solidariedade cos colectivos do Courel que están a defender a serra contra a ameaza de espolio e destrución patrimonial, e que seguen reivindicando a creación do Parque Natural do Courel. Queremos apoiar a toda esa xente, veciños, veciñas, amigos e amigas que traballan na elaboración de estratexias para acadar un desenvolvemento sostible que evite o despoboamento e perda dos valores naturais e culturais dunha zona de montaña que é por riba de todo un ben común que debemos preservar para as xeracións futuras.
Discurso sobre Isto
Alén da Onda, radio en directo na Festa Revolta
Teatro de obxectos na Aira de Baixo
"Discurso sobre isto" por Carlos Santiago
Contos de sobremesa no Courel
Sechu Sende, do Tíbet ao Courel
2ª Festa Revolta no Courel
A letra pequena das políticas que afectan ao medio rural
Poesía no medio do Lor
Danza contemporánea nos montes do Courel
Alborada da Festa Revolta pola aldea de Froxán
O Courel Parque Natural. Festa Revolta, Froxán 11.08
2ª Festa Revolta no Courel
Gústalle(s) a 1 persoas
Fai login ou rexístrate para poder comentar