O Obradoiro do espectador é unha proposta do Grupo CHÉVERE para mellorar a comprensión e o goce das obras de teatro, unha oportunidade para a formación e o intercambio cultural arredor das artes escénicas.Unha proposta dirixida tanto a espectadores experimentados como a persoas que se queiran iniciar no goce do teatro, e que pode interesar a estudiantes, a profesionais, afeccionados e veciños.

Neste obradoiro, Chévere desgrana o proceso de creación do espectáculo CITIZEN cun grupo de espectadorxs. Para ter outra mirada, para ter máis complicidade como espectadorxs, e para falar coas actrices e os actores participantes e coñecer de primeira man como se construe un espectáculo.