• 

  Chévere

Queres saber máis sobre Eurozone? Como se fixo? Cales son as claves para adentrarse nesta obra? Como vén sendo habitual desde hai catro anos, propoñemos un obradoiro para espectadores como acompañamento necesario á estrea dunha nova obra. Unha sesión de adestramento da mirada que se realiza antes de asistir a unha función do espectáculo. Prepararse para non perder nada importante, ou para perder precisamente o medo a ir ao teatro e non entender nada.

Nestes obradoiros proxectamos unha serie de vídeos relacionados co proceso de creación da obra (referentes cinematográficos e escénicos, ensaios...) e a partir deles artellamos unha charla informal con participación de varias persoas do equipo de creación de Chévere. Podemos falar só da obra ou tamén de calquera outro tema relacionado co teatro que as persoas asistentes queiran falar con nós.

A asistencia aos obradoiros é de balde. O que pretendemos é incentivar a asistencia ás obras de teatro, provocar o encontro entre creadores e espectadores e mellorar a formación do público achegándolles información de primeira man.