Xa podemos adiantar algúns dos nomes que van formar parte desta segunda Ultranoite Antolóxica, un repaso histórico a esta revista radical da actualidade que vai cumprir dezaoito anos sobre o escenario da NASA. Na primeira fin de semana actuarán Mofa e Befa, Quico Cadaval, Mónica García, Clara Gayo, Pepa Yáñez, Arantza Villar, Natalia Outeiro, Iria Pinheiro e Manu Lago. Na segunda fin de semana, Carlos Blanco, Paula Carballeira, Duelirium Circus, Simone Negrín (ese Berlusconi!!!) e Os Tristáns. Por suposto, os Chévere non poden faltar (Miguel de Lira, Manuel Cortés, Patricia de Lorenzo, Xron). E a Ultrabanda vaise reforzar convenientemente para esta ocasión, todo un luxo de músicos como Xacobe Martínez Antelo, Max Gómez, Marcelino Galán, Manuel Cebrián ou Miguel Cabana.