• 

  Iria Pinheiro

O próximo 22 de Maio iniciamos no Halcón Milenario(Vigo) unha nova experiencia que promete emocións e diversión. Trátase da obra de teatro "Croquetas", interpretada e escrita por Iria Pinheiro.

A peza trasládanos á noiteboa de 1976 na que Elvira, a protagonista, convida a cear a 15 familiares (os asistentes a cada pase) e relátalles e ilustra as súas vivencias durante o seu exilio, por motivos de traballo, en Alemaña. Os invitados acompañarana a través desa viaxe emocional no que as verdades e os segredos de Elvira iranse desvelando no medio dunha atmosfera festiva e familiar, reflexo dun país que espertaba da súa época máis escura.

A obra estará en cartel 5 fins de semana, a razón de dous pases os venres ás 21:00 e 23:00 e un os domingos ás 12:30 (sesión vermú) e cada pase ten un aforamento de 15 persoas. (Consultar datas exactas dos pases: http://halconmilenario18.blogspot.com.es/)

Todos aqueles interesados en asistir á obra deberán reservar a súa entrada a través do correo: halconmilenario18@gmail.com, pondo no corpo da mensaxe o número de entradas, os nomes dos asistentes e o pase ao que queren acudir. Recibirán un correo de confirmación e realizarán o pago da entrada o mesmo día do seu pase no Halcón Milenario.

Informaremos a través do blog e do Facebook a medida que se completen os pases.

O prezo da entrada é de 6 euros e inclúe unha croqueta e un viño ou refresco.

RESERVA ENTRADAS halconmilenario18@gmail.com