• 

  Chévere

Durante o mes de xuño Chévere realizará unhas serie de animacións teatrais para promocionar o programa de emprendemento sostible na reserva da biosfera dos Ancares Lucenses.

As actuacións desenvolveranse nas feiras de Pedrafita (sábado 21) e Becerreá (3 xullo), a cargo de Rodesindo da Barrosa, o afiador de Pepe Penabade que exporá a súa ferretería ambulante como modelo de empresa sostible e respetuosa co medio ambiente.

E nas de Triacastela (sábado 28) e Navia (domingo 29), a cargo das Cándidas, ese trío de señoras viaxeiras interpretadas por Patricia de Lorenzo, Mónica García e Arantza Villar, que ofrecerán unhas sesións de aeróbic sostible para sintonizar o corpo e a mente coa reserva da biosfera. 

Emprende na reserva da biosfera dos Ancares Lucenses

Se estás polo desenvolvemento sostible. Se estás polo desenvolvemento dos Ancares Lucenses. Se estás á procura dunha idea adaptada para esta zona. Se tes un proxecto na cabeza e queres poñelo a proba. Se tes unha empresa que xa funciona e queres mellorala. Isto vaiche interesar!

O II Campus de Empredemento Sostible ofréceche formación gratuíta e asesoramento técnico, económico, comercial ou medio ambiental para a súa posta en marcha en calquera dos concellos da reserva da biosfera dos Ancares Lucenses (Navia, Cervantes, Becerreá).

Información práctica

O Campus combina sesións teóricas con visitas a empresas competitivas e sostibles, implantadas en contornas rurais da provincia de Lugo. Servirá, polo tanto, de punto de encontro e interacción entre persoas con potencial emprendedor e persoas responsables de empresas sostibles na provincia de Lugo. As primeiras buscarán clarificar o seu futuro e as segundas tratarán de ser o espello no que reflectirse, un espello que recolle a imaxe de empresas economicamente rendibles, socialmente comprometidas e medioambientalmente respectuosas.

CAMPUS DE MOTIVACIÓN E XERACIÓN DE IDEAS
Dirixido a aquelas persoas que estean valorando a posibilidade de emprender de xeito sostible e queiran buscar ideas empresariais.
DATAS: días 7, 8, 9 e 10 de xullo

CAMPUS DE MADURACIÓN DA IDEA EMPRESARIAL
Dirixido a aquelas persoas que xa teñan idea de negocio e queiran analizar a súa viabilidade.
DATAS: 8, 9, 10, 11 de setembro.
LUGAR: San Román, concello de Cervantes.

HORARIO: 16:00 a 20:00 horas.
Son en total 12 horas de formación máis as prácticas coas visitas a empresas.

INSCRICIÓNS: no teléfono 982 22 78 12 e no web www.deputacionlugo.org