• 

  BARBAZUL

Borja Fernández, Mónica de Nut.

Entre os dous intérpretes construimos unha versión libre do mito de Barba Azul partindo do libreto que escribiu o poeta húngaro Béla Bálasz para unha ópera de Bartók no ano 1918. Barba Azul é un mito clásico da tradición europea, reinterpretado en multitude de ocasións, na linguaxe das artes literarias, escénicas e cinematográficas. Na época que estamos a vivir os que nacimos a finais dos 70 parece que non hai espazo para o romanticismo nin para andar a xogar con metáforas sobre a condición humana, e menos aínda para levar a escena unha adaptación dun texto “nada moderno” no que a historia transcurre diante de sete portas dun castelo que se abren mostrando as fantasías e paranoias dun rico chiflado mentres a súa coitada muller insiste en amalo ata que non pode mais e fuxe a unha alcoba mentres agarda polos irmáns dela, que finalmente o matan. Pois si, nós queremos romper unha lanza a favor do romántico, os dobles sentidos, as metáforas e todo o que nos aparta desta realidade, asimesmo, tamén falsa, que nos queren vender. BARBAZUL, unha sabotaxe amorosa.

http://borjafernandez.jimdo.com/