O Fantabuloso Cine Ambulante dos Irmáns Lumieira nace na primavera de 2012 a partir da idea de Tomás Lijó que se converte en Irmán Mediano. Xunto a el, os outros irmáns Lumieira (Carlos Meixide -Irmán Grande- e Suso Alonso -Irmán Pequeno-) coa inestimable axuda de Víctor Mosqueira na dirección, descóbrenlle ao público un marabilloso invento: O CINEMATÓGRAFO. 

Nesta sesión de primeiro contacto e descubrimento ao público achégannos a súa SESIÓN Nº1, para a que contan con curtametraxes de Buster Keaton e Harold Lloyd, ademais de producións propias, coma a cabeceira do Fantabuloso Cine Ambulante dos Irmáns Lumieira ou a grandiosidade do CINETRANSPORTE.