Como sería Romeo e Xulieta se os protagonistas fosen uns rapaces que viven en Boiro no 2012? Poderían vivir o seu amor co conflito lingüístico de fondo? É posible facer unha obra de teatro sen escenario, usando soamente a web e as redes sociais? Amores Prohibidos 2.0 tentou responder estas preguntas e poñer en escena un clásico actualizado ao soporte dixital. Aquí podes ver o que aconteceu na vida de Romero e Xiana do 23 ao 27 de abril, seguir as conversas e as interaccións cos personaxes. Saber máis.
Garda Civil 1:
Informamos dende o posto da Garda Civil de Boiro. Damos conta da aparición dun teléfono móbil no autobús Arriva da liña Ribeira - Santiago. Crese que pertence a unha rapaza duns quince anos que subiu na parada de Boiro ás 10:30am. Podería pertencer á moza de Cabo da Cruz cuxa desaparición denunciaron este mediodía os seus familiares. A Garda Civil está a examinar o disporitivo, que estaba desconectado, e investigará as súas últimas chamadas e mensaxes para buscar algún sospeitoso. Daremos máis información en vindeiros partes.
Gústalle(s) a 2 persoas
5 comentarios
Fai login ou rexístrate para poder comentar
susana:
Vai buscar a Romero!!!
Patricia de Lorenzo:
Pero por que nas últimas chamadas ten que aparecer algún sospeitoso? Igual é simplemente alguén con quen falou, non?
Cholesky:
Estes da Jarda Sivil sempre pensando en sospeitosos. É lóxico que fose para Santiajo. Eu xa case que estou chegando e me poño a buscala...
Garda Civil 2:
Con isto das redes sociais e os adolescentes calquera precaución é pouca, amigos.
Moreiras:
Ben deitamos da Ghuardia Sivil para aprendermos a mergullar no turbulento mar das redes sociais sen quedar enleados en calquera burata (pederastias, estafas, XOGOS DE ROL POR INTERNET!!! Brrrrr...)
