Rede Nasa

Presentacion

A NASA é unha iniciativa privada, aberta e independente, impulsada polo grupo CHÉVERE e xestionada por artistas, sen intermediarios, nin axentes, nin funcionarios da cultura (non somos armadores, somos pescadores). A NASA leva funcionando con regularidade desde 1992. A NASA actúa como centro de recursos artísticos para os creadores locais. A NASA apoia a dinamización socio-cultural. A NASA fomenta a produción e exhibición de novas formas de espectáculos, sempre atentos ás novas expresións, ós creadores máis novos e ás propostas artísticas que non atopan canles para a súa difusión nos circuítos habituais. Teatro, danza, cabaré, novo circo, variedades, rock, folk, blues, flamenco, improvisación libre, vídeo, exposicións, instalacións, performances, talleres. Unha tempada de programación estable de outubro a xuño. Produccións propias. Publicacións e edicións limitadas. Festivais. Documentación alternativa.