RedeNasa.tv - Programa de Mareas

Tulipanes

Sat, 04 Feb 2012 15:33:56 +0100

Autor, dramaturxia e dirección: David Loira. Axudante de dirección: Carlos Neira. Axudante de coreografía: Kirenia Martínez. Actor, bailarín: David Loira. Deseño de Iluminación: Octavio Mas. Fotografía/Deseño: Manu Lago

O bailarín e coreógrafo David Loira presenta o seu terceiro traballo individual á procura da máxima hibridación con outras disciplinas artísticas como o teatro, o clown, o cine mudo. O actor/bailarín minimiza o espazo que hai entre él e o espectador, no que non deixa fisuras para o prexuízo e así o convirte nun espello no que mirarse e identificarse máis alá do espazo privado no que só existen tulipanes para contemplar. Dalgún xeito, o actor/bailarín pasa a ser espectador, e o espectador actor/bailarín.

Esta é unha gravación feita na nasa do seu traballo anterior:

[youtube]Nv9MORwNga8[/youtube]

Miniaturas

Sat, 04 Feb 2012 11:58:08 +0100

O Teatro Ensalle estrea a súa nova produción, que se poderá ver as dúas primeiras findes de febreiro na súa sala de Vigo, rúa Chile 15. Unha creación de Raquel Fernández, Artús Rei e Jorge Rúa, con dirección, dramaturxia e iluminación de Pedro Fresneda.

A arte de camiñar coma unha raiña entre unha auténtica chuvia de ostias, sen disimular, aferrándose ao pequeno, ao verdadero, ao íntimo. A memoria do necesario, do que verdaderamente lle compre a un, sen tendencias, nin modas nin anuncios.

Máis info: www.teatroensalle.com

Mujer muerta caminando

Fri, 03 Feb 2012 11:46:35 +0100

“A nosa proposta parte dun dos personaxes da novela, unha muller que toma a decisión de que quere morrer, pero non quere suicidarse e busca que alguén a mate” explica Carlos Álvarez-Ossorio, director de Cámara Negra. Despois dun ano de investigación a partir de O idiota escrito por Dostoievski, o resultado é unha obra experimental que pretende afondar nos sentimentos, na toma de decisión e nas dúbidas ante unha decisión irreversible. A montaxe, que abre unha nova etapa na traxectoria da Zona C, caracterízase por non gozar dunha posta en escena tradicional. Mónica de Nut cantará en directo sendo a única ambientación sonora dun espectáculo no que o público (máximo 50 persoas) se sentará ao redor dun escenario que se ilumina unicamente con candeas.

Citizen

Fri, 03 Feb 2012 11:12:16 +0100

En escena: Patricia de Lorenzo, Manuel Cortés, Miguel de Lira, Mónica García, Arantza Villar, Nekane Fernández, Iván Marcos. Dramaturxia, dirección: Xron. Escrita: Manuel Cortés. Movemento escénico: Rut Balbís. Iluminación: Dr. Cabaleiro. Son/proxeccións: Xacobo Castro. Espazo sonoro: Xacobe Martínez Antelo. Vídeos: Quadra Producións, Oroboro Filmes. Produción: Juancho Gianzo. Comunicación: Xana García. Deseño gráfico: Fausto Isorna. Actores do Breaking News From Galicia: Monty Castiñeiras, Iria Pinheiro. Unha creación Chévere!, compañía residente na Sala Nasa. Co apoio de AGADIC, Concello de Teo, INAEM, Deputación de Lugo, Gadis.

Para celebrar o seu 25 aniversario, Chévere pon os motores a todo gas e prepara toda unha batería de lanzamentos escénicos e culturais para este ano. Entre eles, unha estensa xira co seu espectáculo estrela de 2012, Citizen. Atentos ás datas e lugares: Tui (venres 3 febreiro), Milladoiro-Ames (venres 24 febreiro), Vilagarcía (sábado 25 febreiro), Carballo (sábado 17 marzo), A Coruña-Fórum Metropolitano (venres 23, sábado 24, domingo 25 marzo), Teo (sábado 28, domingo 29 abril), O Barco (vernes 4 maio), Lugo (sábado 12 maio), Lalín (venres 18), Santiago de Compostela-Teatro principal (venres 25, sábado 26, domingo 27 maio), Ribadeo (domingo 3 xuño), Ourense (venres 8 xuño), Monforte (venres 29, sábado 30 xuño).

Chévere remata o seu proxecto máis ambicioso e innovador con esta entrega íntegra e completa das tres partes que compoñen a saga Citizen. Un espectáculo que é a suma das tres obras estreadas durante a tempada, e que nos ofrece a posibilidade de mergullarnos dun tirón na historia de A.O. e Sara. Un novo formato teatral para a carteleira galega. Un reto e unha oportunidade para o público. Un luxo para nós. Sete actores no esceanrio. Tres horas de teatro feito a pé da realidade para gozar en compañía.

A posta en escena da versión íntegra de Citizen farase en tres actos con dous intermedios, e terá unha duración de tres horas en total.

Primeiro acto. Maiorías silenciosas. A realidade da historia fronte a invención da realidade. Transición ou Transacción. A Coruña, 1975. Franco morreu hai unha semana. Sara, unha estudiante comprometida no movemento anti-franquista, fuxe dos grises e entra nunha tenda que está sendo reformada para a súa apertura ao público. Alí atópase co seu dono, A.O., un empresario disposto a conquistar un imperio. Duración: 75 minutos.

Segundo acto. Made in Galiza. As capas máis ocultas da historia a flor de pel. Durante os anos 80 e 90 xurdiron centos de talleres de confección que deron traballo a milleiros de mulleres do rural, convertíndose nun sector estratétixico para o crecimento dunhas poucas empresas que se lanzaron ao mercado internacional. Un exercicio de sobre explotación de man de obra barata que logo se trasladaría a países subdesenvolvidos. Sara trata de saír da marxinalidade laboral e económica poñendo en marcha un taller de confección con outras veciñas do seu pobo. Será un soño breve e dramático. Duración: 60 minutos.

Terceiro acto. Wii economía. O século XXI empeza coa crise máis profunda do capitalismo. A especulación sen control, o ánimo de lucro infinito, a globalización sen límites levan ao colapso ás principais economías coñecidas. Neste contexto, A.O. ve como o seu imperio multinacional está a piques de desaparecer. E descubre que un dos responsables do desastre pode ser o seu propio fillo. Duración: 50 minutos.

Presentación de "De Parto a OMEGA: 10 anos de improvisación libre"

Wed, 21 Dec 2011 11:55:53 +0100

Redenasa.tv e o Grupo Chévere veñen de incorporar á colección Ultratextos Documenta o libro-dvd De Parto a Omega, 10 anos de improvisación libre; un percorrido polas prácticas experimentais ligadas á improvisación musical que acolleu a Nasa ata 2011. O libro estará á venda a partir do 15 de decembro en Santiago (libraría Follas Novas, libraría do CGAC, Quiosco Ártico-rúa do Villar, Discos Gong, A Reixa Tenda), en Vigo (libraría do MARCO e librería Versus), Ourense (librería Torga) e en internet (www.toupa.net ).

Así mesmo, este volume contén un DVD con vídeos e audios de concertos de Parto, de OMEGA e da experiencia do Aquófono. Os textos de Lloréns Barber, Chema Chacón, Wade Matthews, Patxi Valera e Marcos Lourenzo aportan información interesante sobre a historia recente da improvisación musical en Galicia e España e reflexionan sobre a condución de orquestras e o propio concepto da improvisación.

Textos:

Marcos Lorenzo: topar prato potra potar trapo tropa porta prota _parto_

Patxi Valera: De Parto a OMEGA

Llorenç Barber: A improvisación como preludio, unha reflexión sobre esa actividade chamada improvisación libre en Galicia

Chema Chacón: Improvisación galega e algunhas consideracións sobre a condución de orquestras con improvisadores

Wade Matthews: Espontaneidade e liberdade, algunhas reflexións sobre a OMEGA orquestra de música espontánea de Galicia

Cronograma de músicas experimentais, non usuais e improvisadas na Sala Nasa

I'll be watching you

Tue, 20 Dec 2011 11:51:54 +0100

En escena: Patricia de Lorenzo, Manuel Cebrián. Idea e creación: Chévere. Dramaturxia e dirección: Xron. Asesoramento musical: Xacobe Martínez Antelo. Vestiario: Chévere. Produción: Juancho Gianzo. Comunicación: Xana García. Técnica en Igualdade: Natalia Domínguez Galán. Vídeo: Quadra Producións. Co-produce: Mancomunidade de Municipios Arousa Norte. Organiza: Oficina de Igualdade da Universidade de Vigo.

Logo do traballo realizado co proxecto Testosterona sobre identidade e construción de xénero, Chévere segue a desenvolver o seu teatro con perspectiva de xénero poñendo en escena I'LL BE WATCHING YOU (hei estar vixiándote). Trátase dun proxecto pedagóxico, teatral, lúdico e musical que analiza os roles de xénero que transmiten as cancións de temática amorosa da música comercial de consumo masivo. Os obxectivos son actuar na prevención da violencia de xénero e promover o pensamento crítico entre o gran público.

DE QUE FALA "I'LL BE WATCHING YOU"?
ILL' BE WATCHING YOU fala dos valores que moitas veces se agochan detrás das baladas románticas, cuestionando os estereotipos ríxidos de home e muller que non contemplan outras opcións, a cosificación da muller, os celos como proba de amor, a connivencia coa violencia e o sentimento de propiedade sobre a outra persoa. Fala das relacións de igual a igual frente ás que non o son, da autoestima, da necesidade da reacción das propias mulleres para poñer fin á violencia de xénero.

DE QUE VAI "I'LL BE WATCHING YOU"?
Yeni é a vocalista e Dami o guitarrista dunha orquestra de pachanga. Veñen ofrecer o típico repertorio versionaeando os éxitos do pop actual, esa música coñecida por todo o mundo e supostamente neutral, apolítica. Entre tema e tema, Yeni introduce o relato da súa propia experiencia vital como muller, facendo participar ao público dunha nova e crítica lectura dos valores que transmiten as cancións que canta.

Citizen 2ª parte (Made in Galicia)

Fri, 25 Nov 2011 21:45:23 +0100

Unha creación Chévere, compañía residente na Sala NASA. En escena: Patricia de Lorenzo, Miguel de Lira, Mónica García, Arantza Villar, Nekane Fernández. Dramaturxia e dirección: Xron. Movemento escénico/axudante dirección: Rut Balbís. Escrita: MCortés. Técnico en xira: Fidel Vazquez. Produción: Juancho Gianzo. Comunicación: Xana García. Arranxos sonoros: Xacobe Martínez Antelo. Vídeos: Oroboro Films. Deseño gráfico: Fausto Isorna. O noso agradecemento a Lola, Dominga, Amalia, Estrella, ás cooperativistas de Harmonía e Millenium, ao Padre Jorge, a Belén, a Fátima.

Citizen é o novo proxecto de creación escénica de Chévere para a tempada 2010-2011 como compañía residente da Sala NASA. Trátase de poñer en práctica novos procesos de traballo e produción, combinando a aposta pola investigación teatral coa necesidade de obter uns resultados de cara ao público. O proxecto está estruturada en tres partes, en tres espectáculos autónomos que se irán estreando ao longo da tempada. Cada un deles será a continuación e consecuencia do anterior. E ao final, a suma dos tres suporá un novo espectáculo.

Citizen inspírase no Citizen Kane de Orson Welles. Pero a nosa obra conta a historia dun suposto empresario galego do sector textil que se convirte nunha das persoas máis ricas e poderosas no último terzo do século XX. A historia do seu triunfo serve para explicar as consecuencias do proceso de globalización sobre un sitio que seguimos chamando Galicia, o triunfo dun individuo e o fracaso dun pobo.

A segunda parte sitúase dentro das paredes dun taller de confección formado exclusivamente por mulleres, para contar a historia deste fenómeno colectivo que supuxo a partir dos anos 80 a mobilización de varios milleiros de mulleres traballando anonimante para levantar un imperio textil que nunca lles ofreceu máis ca o mínimo para a súa subsistencia a cambio dunha entrega total. Man de obra a baixo prezo no corazón de Occidente, autoexplotación subvencionada polas administracións públicas, perversión do cooperativismo. Unha forza de traballo de usar e tirar que deixou máis frustración, impotencia e rabia individual.

Este espectáculo conta con axudas de AGADIC-Xunta Galicia e da Concellaría de Cultura do Concello Santiago de Compostela

I'll be watching you

Wed, 16 Nov 2011 12:39:40 +0100

En escena: Patricia de Lorenzo, Manuel Cebrián. Idea e creación: Chévere. Dramaturxia e dirección: Xron. Asesoramento musical: Xacobe Martínez Antelo. Vestiario: Chévere. Produción: Juancho Gianzo. Comunicación: Xana García. Técnica en Igualdade: Natalia Domínguez Galán. Vídeo: Quadra Producións. Co-produce: Mancomunidade de Municipios Arousa Norte. Organiza: Oficina de Igualdade da Universidade de Vigo.

Citizen completo

Fri, 18 Nov 2011 09:39:17 +0100

En escena: Patricia de Lorenzo, Manuel Cortés, Miguel de Lira, Mónica García, Arantza Villar, Nekane Fernández, Iván Marcos. Dramaturxia, dirección: Xron. Escrita: Manuel Cortés. Movemento escénico: Rut Balbís. Iluminación: Dr. Cabaleiro. Son/proxeccións: Xacobo Castro. Espazo sonoro: Xacobe Martínez Antelo. Vídeos: Quadra Producións, Oroboro Filmes. Produción: Juancho Gianzo. Comunicación: Xana García. Deseño gráfico: Fausto Isorna. Actores do Breaking News From Galicia: Monty Castiñeiras, Iria Pinheiro. Unha creación Chévere!, compañía residente na Sala Nasa. Co apoio de AGADIC, Concellaría de Cultura do Concello de Santiago de Compostela. Toda a información en: http://www.lafundicion.org/?dpg=detalleobra&id=14&lang=es

A posta en escena da versión íntegra de Citizen farase en tres actos con dous intermedios, e terá unha duración de case catro horas en total.

Comunidades Creativas (agora)

Mon, 19 Dec 2011 13:22:46 +0100

A Rede de Teatros Alternativos convoca a segunda rolda de asambleas simultáneas en 14 cidades de todo o Estado, para convidar ás comunidades creativas (creadores, axentes culturais, espectadores, veciños, xornalistas...) de cada zona a un debate aberto e participativo sobre o lugar que deben ocupar as artes escénicas no contexto actual de incertidume, crise e transformación.

Trátase de usar os teatros e as salas como lugares de encontro para todas as xentes relacionadas coas artes escénicas e, neste caso, tomar a palabra, falar, discutir, debater sobre cal debe ou pode ser o futuro das artes escénicas neste contorno de cambio, incertidume e crise. Que a cousa está fodida é evidente, non se trata de xuntarnos para repetir as queixas, nin para elevar unha protesta máis. Trátase de compartir ideas, preocupacións, inquedanzas, coñecimentos, experiencias, intuicións que nos axuden a visibilizar como podemos seguir adiante sen perder as cousas realmente importantes.

Ou facer as preguntas que todos nos facemos, pero en voz alta: seguirán pagándose cachés? todos traballaremos a taquilla? a xente poderá pagar as entradas se seguen subindo de prezo? cantos teatros e festivais máis terán que desaparecer? os teatros e festivais que permanezan levarán o nome do seu patrocinador? quedarán subvencións? cales? que pasará coas infraestruturas públicas existentes? quen as explotará? ao final quedará só a cidade da cultura? seguirán existindo compañías de teatro? hai outras fórmulas de creación? podémonos permitir o luxo de que desapareza o teatro da oferta cultural?

"Nós estamos convencidos de que quen administra o Público é tamén responsable de defender o dereito que os cidadáns temos de acceder á Cultura. Pensamos que a Cultura é un inidicador de calidade de vida, de cohesion social, deliberdade de pensamento e expresión. A Cultura é, xa que logo, un dos sectores que máis riqueza crea alimentando outros como o Turismo, a Hostelería, a Construción, as TICs, a Educación, etc.
A Cultura é a base da nosa identidade como persoas e como comunidades ou nacións.
Por iso asumimos a responsabilidade de convocar á comunidade de creadores, a xestores, espectadores, veciños do barrio e a todas as persoas vencelladas ás Artes Escénicas en xeral, para facer xuntos un amplo cuestionamento da necesidade e urxencia de facer o teatro, a danza e a música que queremos que se faga ou que se siga facendo, apra definir cal é o lugar que queremos para as Artes Escénicas no contorno actual.
Non é tempo de defender intereses individualizados, non é tempo para corporativismos. Cómpre un novo xeito de relacionarnos como axentes da cultura. É imprescindible que nos asumamos como Comunidades Creativas.
É o momento de tomar a palabra."

Red de Teatros Alternativos

Máis info: http://ccahora.wordpress.com/