Eroski Paraíso presentouse o 7 marzo en dFeria, a Feira das Artes Escénicas que se celebra anualmente en Donosti. Chévere foi a única compañía galega presente na feria e colleitou moi boas críticas co seu novo espectáculo.

dFeria celébrase anualmente dende o ano 1988, e constitúe a estas alturas un referente para todo o Estado no sector das artes escénicas. Este ano, a feira recolleu os traballos dun total de 30 compañías, das cales o 37% procede de Euskal Herría, o 40% do Estado Españo el o 23% do estranxeiro.

Tamén no contexto de dFeria, Xesús Ron, director artístico de Chévere, ofreceu ao día seguinte un relatorio-obradoiro sobre prácticas de mediación na contorna dunha compañía residente.