Aproveitando que este Mércores temos a primeira Sesión Vibracional da tempada, protagonizada polo fraustista madrileño Julián Elvira, publicamos un anaco da anterior sesión, a que o trío Parto deu en Xuño para celebrar o seu décimo aniversario. Formado en Galiza en maio de 1999 como trío de música improvisada, a tripulación base de Parto está integrada por LAR Legido e Patxi Valera, dúo de baterías multipercusionistas, e Pablo Rega, guitarrista e músico electrónico. As Sesións Vibracionais do Centro de Novas Tecnoloxías do Pico Sacro son un ciclo centrado na investigación da riqueza da improvisación libre, así como na articulación e despregue do inmenso potencial do proxecto O.m.e.ga (Orquestra de Música Espontánea de Galiza).
