Foi alá polo ano 1995. Chegou o Antroido e alguén comentou que Manu Chao e os Mano Negra andaban por Laza e pensaban dar algúns concertos-sorpresa en Galiza. Ao pouco recibimos unha chamada, que si tiñamos a sala libre ao día seguinte, os Mano Negra víñanse para Compostela. Puxémonos mans á obra. Unhas chamadas aos colegas para que corresen a voz, uns flyers fotocopiados que se repartiron pola rúa e algúns bares (internet aínda non contaba), arrombar o material necesario e prepararse para recibir ao combo francés. Cando comezou o concerto a sala estaba totalmente chea e as ganas de festa estouparon durante as dúas horas seguintes. O resto de comentarios facédeos vós...