Unha vez máis Chévere desubica o teatro dos espacios convencionais. Unha charanga ao estilo de "Bienvenido Mr. Marshall" coa máis alta representación das forzas vivas (Alcalde, folclórica, policía municipal, medios locais e repartidor da sorte) recibe no aeroporto ao visitante número 999.999 da Mancomunidade de Municipios de Arousa Norte. Os usuarios e traballadores habituais do aeroporto gozan do espectáculo mentres agardan a chegada dos voos, e entre os viaxeiros que chegan serán varios os afortunado que reciban un agasallo para visitar Arousa Norte.