O xoves 13 de setembro Xelís de Toro presentou na Galería Metro de Compostela o seu novo libro de poemas cunha performance na que estivo acompañado pola soprano Mónica de Nut. Aquí vos deixamos un vídeo que recolle a parte final da súa actuación.

O libro das pontes invisibles é un poemario recén publicado, que inclúe un DVD con pezas doutros artistas ingleses e galegos que fixeron leituras propias dos textos de Xelís, entre eles Narf e Chévere. O resultado é un combinado de textos, pinturas, gravados, fotografías, vídeos e cancións que podedes ver na Galería Metro de Santiago de Compostela ata o 30 de setembro. O libro en Galicia será distribuído por Edicións Positivas.