O día antes da estrea houbo rolda de prensa no teatro, aquí o CDN monta unha especie de almorzo coa xente dos medios. Viñeron unha ducia de xornalistas e falamos durante unha hora con eles. Moito sobre Eurozone, claro, pero o traballo que estamos facendo en Teo como compañía residente suscitou moita curiosidade. Jacobo Sutil, director da Agadic, que tamén estaba presente, tomou nota das cousas que realmente interesan e funcionan. Esperamos que sair fóra tamén sirva para consolidar o que temos dentro, e as compañías residentes necesitan da participación da Agadic, que o ano pasado e unilateralmente decidiu deixar de apoialas.