• 

  Chévere

Ultrabús

Para usar o servizo de transporte colectivo da Ultranoite é imprescindible mercar a entrada por adiantado en internet coa opción Entrada CON Ultrabús e mostrar o resgardo da entrada imprimido antes de subir ao autobús.

Saída Compostela: 22,05h. na parada de buses de Puente Castro-A Rosa
Traxecto e paradas: Pontepedriña, Ramallosa (chegada ás 22,30h.)
Volta: saída diante do auditorio da Ramallosa ás 02,00h. con chegada á praza de Puente Castro-A Rosa

O servizo de Ultrabús conta co patrocinio da Santa Sede.

A Ultranoite

Vinte anos despois de aparecer este topónimo no teatro galego, a Ultranoite, revista radical da actualidade, volve aos escenarios unha vez máis coa chegada do outono. Seguindo os debates, as polémicas e as cancións do verán estamos centrando os números da ultranoite en temas como o inevitable "relaxing café con leche" e as candidaturas olímpicas 2020 vistas por mascotas veteranas, a batalla dialéctica polo Peñón e as chamadas de teléfono de Mariano, as tribulacións da infanta Shakira de Borbón, a carreira electoral da Merkel en Alemaña ou a proximidade da lei do aborto. Pensamos titular esta Ultranoite "Dimisión imposible" porque aquí non dimite nin dios pase o que pase, pero nestes últimos días foi cobrando forza o concepto de "Relaxing Ultranoite". E ademais estamos preparando a volta da Década cun novo repaso mix á actualidade con fondo de musical de Broadway, onde caben desde o debate homofóbico ruso ata as polémicas touradas en Galicia, a marca España, o fin de crise, o cara al sol de Baralla e o inefable Bárcenas...

Coa participación de Miguel de Lira, Patricia de Lorenzo, Manuel Cortés, Mónica García, Arantza Villar, Iván Marcos, Xron, Xacobe Martínez Antelo, Max Gómez, Manuel Cebrián, e a colaboración especial de Cristina Balboa e o grupo Triatreiros de Vigo.