• 

  Chévere

I'LL BE WATCHING YOU (hei estar vixiándote)
Teatro con perspectiva de xénero

Chévere segue a desenvolver o seu teatro con perspectiva de xénero recuperando e actualizando uha peza creada en 2011, que non deixan de solicitarnos aínda que leva retirada de circulación desde 2014. Trátase de I'LL BE WATCHING YOU (hei estar vixiándote), un proxecto pedagóxico, teatral, lúdico e musical que analiza os roles de xénero que transmiten as cancións de temática amorosa da música comercial de consumo masivo. Para esta nova versión actualizouse completamente o repertorio de cancións, adaptando algúns dos temas tratados ás novas sensibilidades da mocidade. Os obxectivos seguen sendo os mesmos: actuar na prevención da violencia de xénero e promover o pensamento crítico entre o público adolescente. Desta volta, a obra conta co apoio da Secretaría Xeral de Igualdade para chegar a unha ducia de concellos pequenos de toda Galicia.

DE QUE FALA "I'LL BE WATCHING YOU"?

ILL' BE WATCHING YOU fala dos valores que moitas veces se agochan detrás das baladas románticas, cuestionando os estereotipos ríxidos de home e muller que non contemplan outras opcións, o mito do amor romántico e a entrega total, o sentimento de propiedade sobre a outra persoa, o acoso e a cosificación sexual da muller ou a connivencia coa violencia. Fala das relacións de igual a igual fronte ás que non o son, da autoestima, da rebeldía, da necesidade de reacción das propias mulleres e dos homes para poñer fin á violencia de xénero.

DE QUE VAI "I'LL BE WATCHING YOU"?

Yeni é a vocalista e Dami o guitarrista dunha orquestra de pachanga. Veñen ofrecer unha gala matinal acústica, repasando o típico repertorio de éxitos do pop, da música latina, reguetón e trap, esa música que soa en todas partes e supostamente neutral, apolítica. Entre tema e tema, Yeni introduce o relato da súa propia experiencia vital como muller, facendo participar ao público dunha nova e crítica lectura dos valores que transmiten as cancións que canta.

O REPERTORIO ANALIZADO

Police: I’ll be watching you
Axel/Vanessa Martín: ¿Y Que?
Pablo Alborán: ¿Donde está el amor?
Sebastián Yatra: Traicionera
Ctangana: Mala mujer
Nosotrash: Gloria
Jessy&Joy e Alejandro Sanz: No soy una de esas
Maluma: 4 babies
Bad Bunny: Me llueven
Bad Bunny, Arcangel, Bryant Myers: Me mata
J.Balvin: Si tu novio te deja sola
Maggie Lindemann: Pretty Girl

OS CRÉDITOS

En escena: Patricia de Lorenzo, Manuel Cebrián. Idea e creación: Chévere. Dramaturxia e dirección: Xron. Asesoramento musical: Xacobe Martínez Antelo
Produción e vestiario: Patricia de Lorenzo, Arantza Villar. Comunicación: Xana García. Un produción que conta co apoio da Secretaría Xeral de Igualdade da Xunta de Galicia.